Маладафронтаўку Касю Далідловіч сёньня ў дэканаце дапытваў супрацоўнік КДБ. Чэкіст патрабаваў ад дзяўчыны прызнаньня ўдзелу ў акцыі на Дзень Сьвятога Валянціна ў вобразе анёла палітычным мерапрыемствам.Касю Далідовіч, ў дэканат выклікала намесьніца дэкана, прычыну не паведаміла. У кабінэце знаходзіўся незнаёмы чалавек, які доўга не хацеў прадстаўляцца, аднак пасьля настойлівых просьбаў назваўся Дзьмітрыем Сяргеевічам з УКДБ Кастрычніцкага раёну г. Менска, прозьвішча й пасьведчаньне не паказываў. Кэдэбіст меў раздрукаваныя здымкі з акцыі 14 лютага на плошчы Свабоды з сайту www.mfront.net – дзе Кася Далідовіч была ў вобразе сьвяточнага анёла.
Супрацоўнік КДБ імкнуўся загаворваць зубы, вёў “прафіляктычную гутарку”, даводзіў і патрабаваў ад дзяўчыны прызнаньня, што гэта была палітычная акцыя, у якой дзяўчына сьвядома ўдзельнічала.