.Беларусь i ЕС прадоўжаць развiваць дыялог на прынцыпах узаемнай павагi i даверу

Кiраўнiк Адмiнiстрацыi Прэзiдэнта Беларусi Уладзiмiр Макей 2 лiстапада сустрэўся з кiраўнiкамi дыпламатычных прадстаўнiцтваў дзяржаў — членаў ЕС у Беларусi, а таксама прадстаўнiцтва Еўрапейскай камiсii ў Беларусi. Аб гэтым паведамiлi ў Адмiнiстрацыi кiраўнiка беларускай дзяржавы.

У ходзе сустрэчы адбыўся канструктыўны i адкрыты абмен думкамi па шырокiм коле пытанняў узаемадзеяння Беларусi i ЕС, абмеркаваны актуальныя праблемы двухбаковага супрацоўнiцтва. Бакi выказалi гатоўнасць прадоўжыць работу па далейшым паступальным развiццi дыялога, заснаванага на прынцыпах узаемнай павагi i даверу.