320 талонаў на праезд скралі ў баранавіцкага кіроўцы аўтобуса

У баранавіцкую міліцыю з заявай пра крадзеж звярнуўся 31-гадовы кіроўца аўтобуснага парку, піша газета "Наш край".

Мужчына распавёў, што ўвечары 11 верасня, калі ён вяртаўся дадому, у яго скралі сумку з рэчамі. У сумцы, па яго словах, ляжаў залаты пярсцёнак, срэбраны ланцужок з крыжыкам, а таксама 320 талонаў на праезд у гарадскім аўтобусе. Агульную суму шкоды мужчына ацаніў у 568 рублёў.

Праваахоўнікі пачалі крымінальную справу.