Праводзіцца акцыя «Чысты лес»

20 кастрычніка стартуе аднайменная добраахвотная акцыя, якая праводзіцца пад эгідай Міністэрства лясной гаспадаркі Рэспублікі Беларусь.
Мэта акцыі – прыцягненне ўвагі шырокай грамадскасці да неабходнасці беражлівых адносін да галоўнага прыроднага рэсурсу краіны – лесу.
Віцебскае дзяржаўнае лесагаспадарчае аб’яднанне і лясгасы вобласці запрашаюць усіх нераўнадушных жыхароў паўночнага рэгіёна аб’яднаць намаганні і ўнесці сваю лепту ў навя-дзенне парадку: добраўпарадкаваць прылягаючую да сваіх населеных пунктаў тэрыторыю ляснога фонду.
Стаць удзельнікам акцыі можа кожны. Для гэтага дастаткова звярнуцца ў любое лясніцтва, работнікі лясной гаспадаркі забяспечаць усіх удзельнікаў мерапрыемства неабходным інвентаром.
За даведкамі можна звяртацца па тэлефонах: 6 26 31 – дырэктар, 6 37 84 – галоўны ляснічы, 6 11 14 — намеснік дырэктара па ідэалагічнай рабоце.