Касір выдала мужчыну лішнія 9000 рублёў пры абмене грошай

Інцыдэнты, калі касіры ў банку выдаюць наведнікам лішнія грошы, у Беларусі здараюцца з зайздроснай перыядычнасцю. Чарговы з іх адбыўся ў Гомелі, піша tut.by.
 
Пры абмене 30 тысяч расійскіх рублёў на беларускія касірка памылілася: яны выдала кліенту лішнія 9000 рублёў (больш за 4500 долараў). Інцыдэнт адбыўся яшчэ 19 кастрычніка, але распавесці пра яго супрацоўнікі банка вырашылі толькі цяпер.

Мужчыну шукаюць банкіры і міліцыя. Тых, хто пазнаў мужчыну на фота, просяць паведаміць па тэлефонах: +375 29 391-32-06, +375 29 608-96-02 або 102.