Злодзей падмяніў у салоне сувязі iPhone 6s на... мыла

У Санкт-Пецярбургу злодзей падмяніў у салоне сувязі iPhone 6s на... мыла. Мужчына скарыстаўся няўважлівасцю прадаўца. Ён сказаў, што хоча купіць смартфон і разглядаў яго. У пэўны момант ён падмяніў скрынку з iPhone 6s на падобную, але з мылам. Пасля гэтага пакупнік сказаў, што забыўся пашпарт у машыне і выйшаў з памяшкання. Назад ён ужо не вярнуўся.

Калі прадавец заўважыў падмену, ён звярнуўся да праваахоўнікаў. Яны знайшлі зламысніка, ім аказаўся 42-гадовы жыхар Петразаводска, у якога раней ужо былі праблемы з законам. Ён паспеў у той жа дзень перапрадаць скрадзены смартфон, а грошы патраціў на ўласныя патрэбы. Крымінальную справу распачалі па артыкуле "махлярства", паведамляе РІА "Новости".