Двухгадовае дзіця выпала з сёмага паверху і засталося жывым

1 жніўня ў Віцебску на праспекце Будаўнікоў адбыўся няшчасны выпадак з двухгадовым дзіцем.

Як паведамляе прэс-служба УУС Віцебскага аблвыканкама, каля 19.30 дзіця выпала з кватэры на сёмым паверсе. На шчасце, дзіця засталося жывым, але атрымала шматлікія траўмы. Яго шпіталізавалі ў абласную клінічную лякарню.

Міліцыя нагадвае бацькам, што варта прадумваць сістэму абароны ад падобных выпадкаў.