Каляндар: 20 год Канстытуцыі, 480 Васілю Цяпінскаму

Васіль Цяпінскі.

І іншыя падзеі гэтага тыдня. 15 сакавіка. 20 год з часу прыняцця Канстытуцыі Рэспублікі Беларусь.
***
Сусветны дзень абароны правоў спажыўцоў.
***
17 сакавіка. 105 гадоў з дня нараджэння Міхаіла Паўлючэнкі (1909 – 1975), беларускага фізікахіміка, акадэміка Акадэміі навук Беларусі, заслужанага дзеяча навукі Беларусі.
***
95 гадоў з дня нараджэння Рыгора Шкрабы (1919 – 1997), беларускага крытыка і літаратуразнаўца, заслужанага работніка культуры Беларусі.
***
18-20 сакавіка. 20 гадоў назад (1994) у Маладзечна праходзіў першы ў рэспубліцы фестываль майстроў тэатральнага мастацтва Беларусі “Маладзечанская сакавіца-94”.
***
1969 год. 45 гадоў таму ў Мядзеле адкрыўся музей народнай славы (заснаваны ў 1967 годзе).
***
19 сакавіка. 90 гадоў з дня нараджэння Уладзіміра Садзіна (1924 – 2010), беларускага графіка, заслужанага работніка культуры Беларусі.
***
20 сакавіка. 75 гадоў з дня нараджэння Эмануіла Іофе (1939), беларускага гісторыка, доктара гістарычных навук, прафесара.
***
Дзень вясенняга раўнадзенства.
***
Міжнародны дзень астралогіі.
***
520 гадоў таму (1494) упершыню пісьмова ўпамінаецца пра мястэчка Кабыльнік.
***
485 гадоў таму (1529) упершыню ў пісьмовых крыніцах упамінаецца вёска Асавец Маладзечанскага раёна.
***
480 гадоў з дня нараджэння Васіля Цяпінскага (1534), беларускага гуманіста-асветніка, пісьменніка, кнігавыдаўца. Быў сучаснікам і аднадумцам Сымона Буднага, прадаўжальнікам гуманістычных і культурна-асветніцкіх традыцый Францішка Скарыны. Ён быў вялікім аматарам кніг і сабраў каштоўную бібліятэку. У сваім радавым маёнтку заснаваў друкарню, у якой надрукаваў “Евангелле” і “Новы запавет”. Памёр у 1599 ці 1600 годзе.
***
480 гадоў таму (1534) нарадзіўся Ян Лісіцкі, гісторык, бібліёграф, фалькларыст, этнограф, рэлігійны пісьменнік. Некаторы час жыў у Дубраве на Маладзечаншчыне.