У Беларусі чакаюцца першыя начныя замаразкі

Згодна з прагнозам Рэспубліканскага гідраметэацэнтра, 3 верасня ў Беларусі чакаецца воблачна з праясненнямі. Часам дажджы. Вецер заходні 5–10 м/с, ноччу месцамі, днём на большай частцы тэрыторыі парывы да 15–20 м/с. Тэмпература паветра ноччу плюс 5–11°С, днём плюс 9–16°С.

У Мінску 3 верасня воблачна з праясненнямі. Часам дождж. Вецер заходні 5–10 м/с, ноччу парывы да 14 м/с, днём да 15–20 м/с. Тэмпература паветра ноччу плюс 7–9°С, днём плюс 12–14°С.

У наступныя двое сутак, 4–5 верасня, па краіне чакаецца воблачна з праясненнямі. Месцамі кароткачасовыя дажджы. Ноччу і раніцай у асобных раёнах туман. Вецер: 4-га заходні 4–9 м/с, па поўначы парывы да 14 м/с; 5-га — паўночны 3–8 м/с. Тэмпература паветра ноччу плюс 2–9°С, у нізкіх месцах і на тарфяніках слабыя замаразкі ад 0 да мінус 2°С; днём плюс 11–18°С.

У Мінску 4 верасня воблачна з праясненнямі. Ноччу без істотных ападкаў, днём магчымы кароткачасовы дождж. Вецер заходні 4–9 м/с. Тэмпература паветра ноччу плюс 5–7°С, днём плюс 14–16°С.