Канец жніўня і пачатак верасня ў Беларусі будуць дажджлівыя

Паводле папярэдніх прагнозаў сіноптыкаў, канец жніўня і пачатак верасня ў Беларусі будуць дажджлівыя. Аб гэтым паведаміла галоўны сіноптык Рэспубліканскага гідраметэацэнтра Вольга Фядотава.

Тэмпература паветра наблізіцца да кліматычнай нормы. У начныя гадзіны яна будзе вагацца ад плюс 8 да 15 градусаў, а днём — ад 15 да 22 градусаў. У пачатку верасня дзённая тэмпература не перавысіць 15–20 градусаў.

Сёння, 25 жніўня, Беларусь будзе знаходзіцца пад уплывам актыўных атмасферных франтоў, якія змяшчаюцца з Заходняй Еўропы, таму ў большасці рэгіёнаў краіны пройдуць дажджы, у асобных раёнах прагрымяць навальніцы, месцамі чакаюцца моцныя ліўні. Пры навальніцах магчыма ўзмацненне ветру да 15–20 м за секунду.

Тэмпература паветра будзе вагацца ад плюс 19 градусаў на паўночным захадзе да 25 градусаў на паўднёвым усходзе краіны.