У цэнтры Брэста загарэлася маршрутнае таксі

Ратавальнікі за пяць хвілін патушылі маршрутнае таксі, што загарэлася ў цэнтры Брэста.Як паведаміла начальнік аддзялення прапаганды і прафілактыкі ДАІ УУС Брэсцкага аблвыканкама Наталля Сахарчук, пажар адбыўся 2 жніўня прыкладна ў 14.10 на праспекце Машэрава на прыпынку грамадскага транспарту. 

Паводле яе слоў, вадзіцель маршрутнага таксі падчас высадкі пасажыраў заўважыў дым, што ішоў з-пад капота. Ён высадзіў людзей (шэсць чалавек), патэлефанаваў у службу па НС і пачаў тушыць пажар з дапамогай вогнетушыцеля. Ратавальнікі, якія прыбылі на месца здарэння, ліквідавалі агонь. Прычына ўзгарання транспартнага сродку ўстанаўліваецца, паведамляе БелаПАН.