Ля Свіры патануў мужчына

14 чэрвеня на рацэ Свірыца паблізу г. п. Свір патануў 33-гадовы мужчына.

Паведамленне пра тое, што тоне чалавек, паступіла ў цэнтр аператыўнага кіравання раённага аддзела па надзвычайных сітуацыях у 16.08. На нумар “101” патэлефанавала жанчына.

Выратавальнікі прыбылі праз дзве хвіліны. З тлумачэнняў відавочцаў высветлілі, што кампанія адпачывала на беразе ракі. Затым 33-гадовы мужчына вырашыў пакупацца. Праз некаторы час сябар заўважыў, што ён пачаў тануць і паспрабаваў яго выратаваць. Аднак дапамагчы не ўдалося.

У момант прыбыцця групы выратавання на вадзе раённага аддзела па надзвычайных сітуацыях патанулага на паверхні вады не было. Неўзабаве ў пяці метрах ад берага на глыбіні два метры знайшлі цела мужчыны.

Паводле Мінскага абласнога ўпраўлення па надзвычайных сітуацыях.

Фота seculife.ru