Тавар згарэў разам з павільёнам

На гандлёвы павільён з дзіцячым адзеннем, які належыць прыватнаму прадпрымальніку ў гарадскім пасёлку Сасновы Бор Светлагорскага раёна, спакусіўся невядомы зламыснік. Ад пабудовы практычна нічога не засталося. А вось цэх у гомельскім прыватным унітарным прадпрыемстве "Святлатэхніка", які гарэў у панядзелак раніцай, выратавальнікі патушылі хутка. У выніку пажару пашкоджана 20 квадратных метраў шыфернага даху і станок. На момант пажару людзей у памяшканні не было.

Ірына АСТАШКЕВІЧ.