П’яны машыніст пагражаў падарваць дызель-цягнік Маладзечна-Круляўшчызна

Дызель цягнік Маладзечна — Круляўшчызна (Каралеўшчына) затрымаўся 21 лістапада на 3 гадзіны 15 хвілін.

Па ўнутранай сувязі да машыніста звярнуўся адзін з пасажыраў. Ён назваў сябе тэрарыстам і паведаміў, што збіраецца падарваць адзін з вагонаў. На станцыі Вілейка былі эвакуяваныя 80 пасажыраў. Выбуховая прылада выяўлена не была, але міліцыі ўдалося затрымаць «тэрарыста», якім быў нецвярозы машыніст маторвагоннага дэпо — 41-гадовы жыхар Вілейкі.

Мужчына змешчаны ў ізалятар часовага ўтрымання, на яго заведзеная крымінальная справа па ч.1 арт.340 «Загадзя ілжывае паведамленне аб небяспецы», які прадугледжвае да пяці гадоў пазбаўлення волі.