Не дачакаліся атамнай атакі

У Баранавічах адбыўся суд над двума хлопцамі, якіх абвінавацілі ў выкраданні псіхатропнага рэчыва тарэн.

Прэпарат з"яўляецца моцным абязбольваючым і ў свой час назапашваўся на выпадак атамнай ці хімічнай атакі.

На адным прадпрыемстве харчовай прамысловасці горада капсулы з тарэнам захоўваліся ў ваенных індывідуальных аптэчках у кабінеце грамадзянскай абароны.

Хлопцы зазірнулі ў тыя аптэчкі і прыхапілі прэпарат. За гэта суд Баранавіцкага раёна і горада прысудзіў кожнаму з іх па 3,5 года калоніі ўзмоцненага рэжыму.