Дэпутат сельсавета падазраецца ў крадзяжы ў буйным памеры

Пракуратурай Гродзенскага раёна распачата справа па ч. 3 арт. 210 Крымінальнага кодэкса (крадзеж шляхам злоўжывання службовымі паўнамоцтвамі, учынены ў буйным памеры) у дачыненні да 38‑гадовай жыхаркі вёскі Копцеўка.

Як паведамілі ў Генеральнай пракуратуры, дэпутат мясцовага сельсавета падазраецца ў тым, што, працуючы загадчыцай дзіцячага садка, учыніла крадзеж 20 млн. рублёў.

Крымінальная справа распачата па матэрыялах упраўлення па барацьбе з эканамічнымі злачынствамі УУС Гродзенскага аблвыканкама.

Вячаслаў Будкевіч, БелаПАН