Уначы гарэлі пяціпавярхоўка ў Барысаве і жылы дом на Лагойшчыне

Неспакойныя суткі выдаліся ў выратавальнікаў вобласці - адразу некалькі надзвычайных здарэнняў.

Уначы ўспыхнуў падвал пяціпавярхоўкі ў Барысаве. Як аказалася, гарэла смецце. Віноўнік здарэння – мужчына без месца жыхарства. Пажарныя цудам выцягнулі яго з полымя.

Яшчэ аднаму чалавеку жыццё выратаваў пажарны апавяшчальнік. Пасярод ночы загарэўся жылы дом ў вёсцы Ізбішча на Лагойшчыне. Як толькі гаспадар пакінуў хату, абваліўся палаючы дах.

А на чыгуначнай станцыі Маладзечна знайшлі снарад часоў Вялікай Айчыннай. Небяспечная знаходка ляжала за 400 метраў ад чыгуначных шляхоў. Дзякуючы аператыўнасці выратавальнікаў і сапёраў, снарад хутка абясшкодзілі.