На галоўным корпусе Гродзенскага ўніверсітэта імя Я. Купалы з’явіўся QR-код

Цяпер, каб даведацца пра гісторыю і навіны жыцця ВНУ, дастаткова запусціць у мабільным тэлефоне праграму для спампоўкі кодаў і навесці аб’ектыў камеры на код, які выкладзены мазаікай на сцяне будынка.

Код захоўвае спасылку на QR-сайт універсітэта. Вакол меткі дзейнічае wi-fi. 

QR-код універсітэта сгенераваў студэнт 3 курса факультэта матэматыкі і інфарматыкі Яўген Неўгень. Код выконвае функцыю пасярэдніка паміж крыніцай інфармацыі і яе атрымальнікам. 

Па словах Яўгена Неўгеля, перавага такога спосабу перадачы інфармацыі ў яго эрганамічнасці – хуткім і якасным атрыманні інфармацыі. Гэта дае магчымасць выкарыстоўваць яго ў гандлі, вытворчасці, лагістыцы. 

Універсітэт імя Янкі Купалы стаў у Гродне першым аб’ектам з QR-кодам.