Новыя тэхналогіі разбураюць сэксуальныя стасункі

Камп'ютары, тэлевізары і іншыя сучасныя прыстасаванні, якія часта размяшчаюць у спальнях, здольныя разбурыць інтымнае жыццё пары, сцвярджаюць амерыканскія спецыялісты.

Падчас даследавання вучоныя высветлілі, што тэлевізар, уключаны ноўтбук не толькі адцягваюць ад сну, але і становяцца прычынай халоднасці да партнёра. Справа ў тым, што больш як палова апытаных удзельнікаў эксперымента абодвух палоў бяруць з сабой у ложак мабільны тэлефон і не ўдзяляюць увагі партнёру.

Падобная праблема зафіксаваная і ў Вялікабрытаніі. Згодна з вынікамі даследавання, чвэрць жыхарак краіны вінаваціць сваіх партнёраў у тым, што яны лічаць за лепшае "сядзець" у інтэрнэце, чым займацца з імі сэксам.