Што дапаможа пазбавіцца ад стрэсу
14.07.2010 09:03
—
Новости Здоровья
Сучасны тэмп жыцця, інфармацыйныя патокі, безумоўна, перагружаюць наш арганізм. Няўменне спраўляцца з перанапружаннем, стрэсамі можа спрыяць развіццю памежных нервова-псіхічных расстройстваў. Спецыялісты рэкамендуюць вучыцца адэкватнаму рэагаванню на складаныя сітуацыі і канфлікты. Належныя веды і навыкі рэальна дапамагаюць пазбегнуць шоку. Наогул любыя праблемы — ад фінансавых да сэксуальных — трэба вырашаць, бо парушэнні ў любым з аспектаў жыцця робяць свой унёсак у агульны стрэс.
Аднак псіхічныя захворванні абумоўлены яшчэ цэлым шэрагам прычын. Свой унёсак робіць спадчынны фактар, асабліва ва ўзнікненні такога захворвання, як шызафрэнія. Сваё месца — у асаблівасцяў псіхікі канкрэтнай асобы, умоў, у якіх чалавек выхоўваўся. Уплывае нават экалагічны фактар і лад харчавання. Акрамя таго, некаторыя псіхічныя захворванні развіваюцца на фоне захворвання цялеснага — артэрыяльнай гіпертэнзіі, атэрасклерозу. Выклікаць праблему з псіхікай можа чэрапна-мазгавая траўма, эпілепсія, хвароба Альцгеймера.
Калі чалавек своечасова не звяртаецца па псіхіятрычную дапамогу, то паступова хвароба набывае хранічны, незваротны характар, а значыць, магчымасці спецыялістаў становяцца вельмі абмежаванымі і чакаць вылячэння ўжо не даводзіцца. Вельмі важна прызнаваць сваю праблему, шукаць спосабы яе вырашэння і строга выконваць усе прадпісанні ўрачоў. Апошнія нясуць адказнасць за дакладнае вытрымліванне пратаколаў дыягностыкі і лячэння, бяспеку і эфектыўнасць дапамогі. Аднак жыць за пацыента здаровым жыццём яны не ў стане. Гэтаксама як і займацца прафілактыкай нервова-псіхічных захворванняў.
Звярніце ўвагу на самадапамогу — медытацыю, методыкі дыхання, нервова-мышачную рэлаксацыю, загартоўванне. Уся ўсходняя медыцына пабудавана на той жа тэхніцы дыхання. Асвоіць такую практыку зусім не складана. Іншая рэч, яна павінна быць сістэмнай. Гэта ж датычыцца і заняткаў спортам, падчас якіх мы ўвесь наш стрэс, што называецца, скідваем на мышцы. Акрамя таго, неабходна надаваць належную ўвагу пашырэнню свайго кругагляду, культурнаму развіццю. І не захапляйцеся самастойным прыёмам заспакаяльных сродкаў. Вам можа падацца, што вы перамагаеце стрэс, а насамрэч будзеце спрыяць развіццю трывожнага ці дэпрэсіўнага расстройства. З іншага боку, можна набыць і залежнасць ад псіхаактыўных рэчываў.
Тайм-менеджмент патрэбны ўсім
Не імкніцеся ўсё паспець. Адна з хрысціянскіх каштоўнасцяў — няспешнасць. Час ад часу варта прыпыняцца і думаць над тым, куды і навошта мы рухаемся.
Нярэдка людзі арыентуюцца не на свае патрэбы, а на чужое меркаванне. Спецыялісты рэкамендуюць вучыцца тайм-менеджменту — мастацтву кіравання сваім часам. Каб дасягнуць уласных мэтаў, неабходна прадумаць, па якой дарозе ісці. Праблема перфекцыяністаў у тым, што яны імкнуцца зрабіць як мага больш і з максімальным вынікам. У такіх выпадках карысна папрацаваць з псіхолагам. Справіцца з сітуацыяй, якая выйшла з-пад кантролю, дапаможа і такі кірунак у псіхалогіі, як коўчынг. Ім займаюцца псіхолагі і псіхатэрапеўты, якіх у гэтым выпадку называюць трэнерамі па жыцці. Такія спецыялісты дапамагаюць зрабіць тое, што ты ўмееш, яшчэ лепш.
Аднак псіхічныя захворванні абумоўлены яшчэ цэлым шэрагам прычын. Свой унёсак робіць спадчынны фактар, асабліва ва ўзнікненні такога захворвання, як шызафрэнія. Сваё месца — у асаблівасцяў псіхікі канкрэтнай асобы, умоў, у якіх чалавек выхоўваўся. Уплывае нават экалагічны фактар і лад харчавання. Акрамя таго, некаторыя псіхічныя захворванні развіваюцца на фоне захворвання цялеснага — артэрыяльнай гіпертэнзіі, атэрасклерозу. Выклікаць праблему з псіхікай можа чэрапна-мазгавая траўма, эпілепсія, хвароба Альцгеймера.
Калі чалавек своечасова не звяртаецца па псіхіятрычную дапамогу, то паступова хвароба набывае хранічны, незваротны характар, а значыць, магчымасці спецыялістаў становяцца вельмі абмежаванымі і чакаць вылячэння ўжо не даводзіцца. Вельмі важна прызнаваць сваю праблему, шукаць спосабы яе вырашэння і строга выконваць усе прадпісанні ўрачоў. Апошнія нясуць адказнасць за дакладнае вытрымліванне пратаколаў дыягностыкі і лячэння, бяспеку і эфектыўнасць дапамогі. Аднак жыць за пацыента здаровым жыццём яны не ў стане. Гэтаксама як і займацца прафілактыкай нервова-псіхічных захворванняў.
Звярніце ўвагу на самадапамогу — медытацыю, методыкі дыхання, нервова-мышачную рэлаксацыю, загартоўванне. Уся ўсходняя медыцына пабудавана на той жа тэхніцы дыхання. Асвоіць такую практыку зусім не складана. Іншая рэч, яна павінна быць сістэмнай. Гэта ж датычыцца і заняткаў спортам, падчас якіх мы ўвесь наш стрэс, што называецца, скідваем на мышцы. Акрамя таго, неабходна надаваць належную ўвагу пашырэнню свайго кругагляду, культурнаму развіццю. І не захапляйцеся самастойным прыёмам заспакаяльных сродкаў. Вам можа падацца, што вы перамагаеце стрэс, а насамрэч будзеце спрыяць развіццю трывожнага ці дэпрэсіўнага расстройства. З іншага боку, можна набыць і залежнасць ад псіхаактыўных рэчываў.
Тайм-менеджмент патрэбны ўсім
Не імкніцеся ўсё паспець. Адна з хрысціянскіх каштоўнасцяў — няспешнасць. Час ад часу варта прыпыняцца і думаць над тым, куды і навошта мы рухаемся.
Нярэдка людзі арыентуюцца не на свае патрэбы, а на чужое меркаванне. Спецыялісты рэкамендуюць вучыцца тайм-менеджменту — мастацтву кіравання сваім часам. Каб дасягнуць уласных мэтаў, неабходна прадумаць, па якой дарозе ісці. Праблема перфекцыяністаў у тым, што яны імкнуцца зрабіць як мага больш і з максімальным вынікам. У такіх выпадках карысна папрацаваць з псіхолагам. Справіцца з сітуацыяй, якая выйшла з-пад кантролю, дапаможа і такі кірунак у псіхалогіі, як коўчынг. Ім займаюцца псіхолагі і псіхатэрапеўты, якіх у гэтым выпадку называюць трэнерамі па жыцці. Такія спецыялісты дапамагаюць зрабіць тое, што ты ўмееш, яшчэ лепш.