Трансгранічныя рысы турызму

Сёння ўсё часцей турысты за адну паездку наведваюць адразу некалькі дзяржаў. Папулярныя туры па скандынаўскіх краінах, прыбалтыйскіх дзяржавах, Заходняй Еўропе.
Для беларускіх турыстычных фірмаў таксама паўстала задача скааперавацца з турыстычнымі арганізацыямі сумежных краін.
Трансгранічныя туры з маршрутамі па Беларусі, лічыць віцэ-прэм'ер Анатоль Тозік, будуць асабліва папулярныя сярод расійскіх і ўкраінскіх турыстаў. Пэўна ж, імі зацікавяцца турысты з Польшчы і краін Балтыі. Усё больш цікавымі становяцца такія напрамкі, у якіх адпачынак спалучаецца з атрыманнем нейкай карысці: адукацыйнай ці медыцынскай. Міністр спорту і турызму Алег Качан якраз і выдзяляе медыцынскі турызм як адзін з найбольш перспектыўных напрамкаў для Беларусі.
Акрамя таго, апошнім часам у краіне добра развіваецца сельскі турызм, а таксама транзітны, актуальнасць якога ўзрасла ў сувязі са стварэннем Мытнага саюза.

Андрэй Ануфрыеў