Беларусь просіць Іран падтрымаць рубель

Старшыня Нацыянальнага банка Беларусі Пятро Пракаповіч сустрэўся ў Тэгеране з міністрам камерцыі Ірану Мэхдзі Газанфары,

паведамляе іранскае выданне The Tehran Times.

Перамовы былі прысвечаныя ўвядзенню механізмаў выкарыстання ў двухбаковым гандлі нацыянальных валютаў.

Раней Беларусь заключыла дамовы своп аб выкарыстанні нацыянальных валютаў у двухбаковым гандлі з Кітаем і Ўкраінай на агульную суму мільярд даляраў. Гэтыя здзелкі дазваляюць Беларусі імпартаваць прадукцыю з названых краінаў, не трацячы сваіх валютных рэзэрваў.

Неўзабаве чакаецца падпісанне аналягічнай дамовы з Літвой.

Аналітыкі выказваюць асцярогі, што памяншэнне валютных рэзерваў Беларусі ў сувязі з ростам імпарту можа зрабіць непазбежнай дэвальвацыю беларускага рубля.