Расія прапануе Казахстану і Беларусі таксама забараніць экспарт збожжа

Урад Расіі, які забараніў экспарт збожжа з 15 жніўня па 31 снежня 2010 года, даручыў Мінэканамразвіццю ўнесці на разгляд камісіі Мытнага саюза прапанову аб прыняцці аналагічных захадаў у іншых краінах-удзельніцах мытнага саюза - Казахстану і Беларусі.

Як вынікае з апублікаванай на сайце ўрада Расіі пастановы, перш за ўсё Мінэканамразвіцця даручана праінфармаваць дзяржавы-ўдзельніцы Мытнага саюза пра ўвядзенне гэтай забароны Расіяй.