"Мастакі Перамогі". У МЗС адкрылася выстава прысвечаная Янке Купале
05.03.2015 15:14
—
Новости Культуры
4 сакавіка ў Міністэрстве замежных спраў Беларусі адкрылася выстава жывапісу і графікі беларускіх мастакоў "Янка Купала: Зову Вас я на Победу…" з фондаў Дзяржаўнага літаратурнага музея Янкі Купалы. Экспазіцыя – працяг цыкла выставаў "Мастакі Перамогі".
У назве выкарастаны вядомыя радкі верша паэта "Беларускія партызаны", які быў напісаны ў 1941 годзе. На выставе прадстаўлены працы мастакоў розных пакаленняў, прадстаўнікоў розных мастацкіх школ і тэхнік, якія праз асэнсаванне трагедыі вайны імкнуцца да міра і якіх натхняў лёс паэта ў ваенныя часы, яго творы, думкі і імкненні.
З прывітальным словам выступіла намеснік міністра замежных спраў Рэспублікі Беларусь Алена Купчына: "Значная частка творчасці Янкі Купалы прасякнута тэмай вайны. Янка Купала вельмі глыбока ўсведамляў трагедыю вайны. Мне падаецца вельмі слушным у сценах МЗС нагадаць радкі з яго верша "Маладая Беларусь", напісаныя у 1913 годзе зусім з іншай нагоды. "Занiмай, Беларусь маладая мая, Свой пачэсны пасад мiж народамi!" Дзякуючы таму велізарнаму ўнёску беларускага народа ў перамогу, Беларусь у 1945 годзе стала краінай заснавальніцай ААН, і такім чынам спраўдзіліся словы паэта". У сваім выступленні намеснік кіраўніка знешнепалітычнага ведамства адзначыла, што мэтай выставы стала імкненне паказаць гісторыю вайны праз прызму творчасці выдатнага беларускага паэта.
"У далёкім 1926 годзе Янка Купала стаяў ля вытокаў стварэння таварыства сяброўства з замежнымі краінамі. Яго жыццё – гэта прыклад сапраўднай дыпламатыі і патрыятызма. Усёй сваёй творчасцю ён падкрэсліваў, што народы павінны жыць у згодзе, і натхняў наш народ на перамогу", - адзначыла дырэктар Дзяржаўнага літаратурнага музея Янкі Купалы Алена Ляшковіч.
"Такія буйныя фігуры, якой з'яўляўся Янка Купала, заўсёды застаюцца загадкай, колькі б матэрыялаў пра іх ні было. Гэта заўсёды акіян, і ад нас залежыць, што мы зможам вычарпаць з яго. Кожны перыяд бярэ ад Купалы тое, што можа. Таму мы бачым паэта розным у люстэрке кожнага часу. Праходзіць сацыялістычны рэалізм, калі Купала быў канонам, ідэалам свайго часу, і людзі дазваляюць сабе бачыць Купалу супярэчлівым, звяртаюць увагу на трагізм яго лёсу і натуры. На нас адказнасць: што мы здольныя ўбачыць у гэтым чалавеке. Наша выстава – разважанні на гэту тэму", - адзначыла мастацтвазнаўца і куратар цыкла выстаў "Мастакі Перамогі" Таццяна Бембель.
У цырымоніі адкрыцця таксама прынялі ўдзел главы шэрага дыпламатычных місій, акрэдытаваных у Беларусі, супрацоўнікі МЗС, прадстаўнікі творчай інтэлігенцыі і СМІ.
У назве выкарастаны вядомыя радкі верша паэта "Беларускія партызаны", які быў напісаны ў 1941 годзе. На выставе прадстаўлены працы мастакоў розных пакаленняў, прадстаўнікоў розных мастацкіх школ і тэхнік, якія праз асэнсаванне трагедыі вайны імкнуцца да міра і якіх натхняў лёс паэта ў ваенныя часы, яго творы, думкі і імкненні.
З прывітальным словам выступіла намеснік міністра замежных спраў Рэспублікі Беларусь Алена Купчына: "Значная частка творчасці Янкі Купалы прасякнута тэмай вайны. Янка Купала вельмі глыбока ўсведамляў трагедыю вайны. Мне падаецца вельмі слушным у сценах МЗС нагадаць радкі з яго верша "Маладая Беларусь", напісаныя у 1913 годзе зусім з іншай нагоды. "Занiмай, Беларусь маладая мая, Свой пачэсны пасад мiж народамi!" Дзякуючы таму велізарнаму ўнёску беларускага народа ў перамогу, Беларусь у 1945 годзе стала краінай заснавальніцай ААН, і такім чынам спраўдзіліся словы паэта". У сваім выступленні намеснік кіраўніка знешнепалітычнага ведамства адзначыла, што мэтай выставы стала імкненне паказаць гісторыю вайны праз прызму творчасці выдатнага беларускага паэта.
 |
Зправа налева: намеснік міністра ўнутраных спраў Рэспублікі Беларусь Алена Купчына, дырэктар Дзяржаўнага літаратурнага музея Янкі Купалы Алена Ляшковіч, мастацтвазнаўца і куратар цыкла выставаў "Мастакі Перамогі" Таццяна Бембель. Фото: Сергей Балай, TUT.BY |
"У далёкім 1926 годзе Янка Купала стаяў ля вытокаў стварэння таварыства сяброўства з замежнымі краінамі. Яго жыццё – гэта прыклад сапраўднай дыпламатыі і патрыятызма. Усёй сваёй творчасцю ён падкрэсліваў, што народы павінны жыць у згодзе, і натхняў наш народ на перамогу", - адзначыла дырэктар Дзяржаўнага літаратурнага музея Янкі Купалы Алена Ляшковіч.
"Такія буйныя фігуры, якой з'яўляўся Янка Купала, заўсёды застаюцца загадкай, колькі б матэрыялаў пра іх ні было. Гэта заўсёды акіян, і ад нас залежыць, што мы зможам вычарпаць з яго. Кожны перыяд бярэ ад Купалы тое, што можа. Таму мы бачым паэта розным у люстэрке кожнага часу. Праходзіць сацыялістычны рэалізм, калі Купала быў канонам, ідэалам свайго часу, і людзі дазваляюць сабе бачыць Купалу супярэчлівым, звяртаюць увагу на трагізм яго лёсу і натуры. На нас адказнасць: што мы здольныя ўбачыць у гэтым чалавеке. Наша выстава – разважанні на гэту тэму", - адзначыла мастацтвазнаўца і куратар цыкла выстаў "Мастакі Перамогі" Таццяна Бембель.
У цырымоніі адкрыцця таксама прынялі ўдзел главы шэрага дыпламатычных місій, акрэдытаваных у Беларусі, супрацоўнікі МЗС, прадстаўнікі творчай інтэлігенцыі і СМІ.