Гісторыя фестываля "Адна зямля", які пройдзе ў Маладзечне 9 чэрвеня

Глобус “Адна зямля” – пераходны сімвал фестывалю, які ад 2006 года перадаецца ад раёна-арганізатара наступнаму. Летась глобус перадалі маладзечанцам віляйчане.

Фестываль “Адна зямля” сёлета пройдзе на сцэне маладзечанскага амфітэатра 9 чэрвеня. Першапачаткова (1999) заснавальнікамі фестывалю сталі аддзелы культуры Маладзечанскага, Валожынскага і Ашмянскага райвыканкамаў і тыднёвік “Рэгіянальная газета”. Назву фестываль запазычыў у аднаго з заснавальнікаў, бо “Адна зямля” – слоган “Рэгіянальнай газеты”.

Першы раз фестываль адбыўся 10 ліпеня 1999 года на стадыёне пасёлка Чысць у Маладзечанскім раёне. Старшыня журы – дырэктар Маладзечанскага музычнага вучылішча Рыгор Сарока.

Ад 2000 года ў фестывалі ўдзельнічаюць прадстаўнікі Вілейшчыны і Смаргоншчыны, а да заснавальнікаў далучыліся аддзелы культуры Вілейскага і Смаргонскага райвыканкамаў.

Ад 2002 года ўдзельнічаюць жыхары Астравеччыны. Заснавальнікам становіцца і аддзел культуры Астравецкага райвыканкама.

У 2004 годзе да заснавальнікаў фестывалю далучаецца аддзел культуры Мядзельскага райвыканкама. Удзельнікамі могуць стаць і жыхары Мядзельскага раёна.

Месцы правядзення фестывалю

1999 – Маладзечанскі раён, пасёлак Чысць

2000 – Валожын

2001 – Ашмяны

2002 – Астравецкі раён, вёска Рымдзюны

2003 – Смаргонь

2004 – Вілейка

2005 – Мядзел

2006 – Маладзечна

2007 – Валожын

2008 – Мядзел

2009 – Смаргонь

2010 – Ашмяны

2011 – Астравец

2012 – Вілейка

Гімн фестывалю

Гімн фестывалю напісалі паэтка Таіса Трафімава і кампазітарка Алена Атрашкевіч. Упершыню выкананы ў 1999 годзе ў Чысці:

Зямля бацькоў – цудоўная зямля!

Пашчасціла і мне тут нарадзіцца.

Да скону дзён і зблізку, і здаля

Табою, любы край, мне ганарыцца.

Адна зямля ў нас з табой, адна,

Дае нам сілы чыстая крыніца –

Куды б мяне дарога ні вяла

Табе хачу я нізка пакланіцца.

Мой край рамонкаў, сініх васількоў,

Тут плакаць і смяяцца можна ўволю.

Тут сустракаюць дарагіх сяброў

І песняй звонкаю, і хлебам-соллю!

Уладальнікі Гран-пры

1999 – Дзмітры Мінько, Маладзечанскі раён

2000 – Дар’я Урызчанка, Маладзечанскі раён

2001 – Людміла Сінкевіч, Ашмянскі раён

2002 – Казімір Таўстыка, Вілейскі раён

2003 – Алеся Супрановіч, Вілейскі раён

2004 – Наталля Салава, Вілейскі раён

2005 – Алеся Кульша, Маладзечанскі раён

2006 – Аляксандр Салаўёў, Маладзечанскі раён

2007 – Віктар Выбарнаў, Маладзечанскі раён

2008 – Вікторыя Ількевіч, Вілейскі раён

2009 – Дзяніс Пацэвіч, Смаргонскі раён

2010 – Вольга Ільіч, Маладзечанскі раён

2011 – Анастасія Апанасенка, Маладзечанскі раён

2012 – Артур Міхайлаў, Маладзечанскі раён

Прыз глядацкіх сімпатый

Прыз глядацкіх сімпатый – спецыяльны прыз, заснаваны “Рэгіянальнай газетай”. Яго ўладальнікамі станавіліся

1999 – Юлія Іванчык, Маладзечанскі раён

2000 – Алеся Дзяржавец, Вілейскі раён

2001 – Іван Валадзько, Ашмянскі раён

2002 – Сяргей Сяўко, Астравецкі раён

2003 – Святлана Пушкарова, Валожынскі раён

2004 – Кацярына Цыгельнікава, Мядзельскі раён

2005 – Валеры Вязевіч, Мядзельскі раён

2006 – Мікалай Разановіч, Смаргонскі раён

2007 – Васіль Каспяровіч, Ашмянскі раён

2008 – Генадзь Чарняўскі, Валожынскі раён

2009 – Таццяна Анушэўская, Валожынскі раён

2010 – Аляксандр Жукоўскі, Ашмянскі раён

2011 – Вольга Касцюкевіч, Смаргонскі раён

2012 – Алеся Сяргейчык, Валожынскі раён

Даведка “РГ”.  “Адна зямля” – рэгіянальны фестываль-конкурс маладых выканаўцаў эстраднай песні, які праводзіцца па чарзе ў адным з раёнаў Беларускага Павілля і на Валожыншчыне: Маладзечанскім, Вілейскім, Мядзельскім, Валожынскім Мінскай вобласці і Смаргонскім, Ашмянскім, Астравецкім Гродзенскай вобласці.

Падрыхтаваў Мікола ГАЙДУК.