Па Мядзеле ехаў Дзед Мароз на санях

На такіх санях гонар пракаціцца самому Дзеду Марозу.

У Мядзеле ў пятніцу, 21 снежня, прайшоў раённы конкурс “Лепшы Дзед Мароз-2012”.

У ім прынялі ўдзел  11 каманд, якія прадстаўлялі ўстановы і прадпрыемствы горада і раёна. У кожнай камандзе былі па Дзеду Марозу са Снягуркай. Але многія бралі ў дапамогу разнастайных персанажаў: Зайцоў, Бабак-ёжак  ды іншых. А найбольшая світа прыехала з Нацыянальнага дзіцячага адукацыйна-аздараўленчага цэнтра “Зубраня”: чалавек з дваццаць у шыкоўных гістарычных строях. Прывезлі адтуль і цуда-сані, якія і ехалі наперадзе шэсця навагодніх персанажаў.

Апроч шэсця па цэнтры горада,  каманды выявілі лепшых у конкурснай праграме. Прайшла яна на сцэне гарадскога Дома культуры. У выніку першае месца ў раённым конкурсе занялі прадстаўнікі НДЦ “Зубраня”, другое — Мядзельскай сярэдняй школы №1. Замкнулі тройку прызёраў Дзед Мароз са Снягуркай з раённага аддзела культуры. Адзначылі ў розных намінацыях таксама іншых удзельнікаў.

Алесь ВЫСОЦКІ.

Фота Алеся ВЫСОЦКАГА.

Чытайце на гэтую ж тэму:

Дзед Мароз прыедзе на матацыкле