Калі пяюць фанфары

На першы Нацыянальны фэст духавых аркестраў сабраліся лепшыя калектывы з усёй краіны
Адкрываў святочны канцэрт мінскі аркестр “Няміга”, публіку парадавалі выступленні калектываў з Гродна, Пінска, іншых гарадоў. Арганізатары фэсту, сярод якіх і Беларускі дзяржуніверсітэт культуры і мастацтваў, ладзілі выступленні ў працоўных калектывах і на сцэнічных пляцоўках сталіцы.
А ветэранам духавая музыка нагадвала пра гады баявой маладосці, пасляваеннага адраджэння краіны. Мяркуецца, што правядзенне фэсту “Фанфары Беларусі” стане традыцыйным.