«НН» сто гадоў з вамі

Ясная Паляна. Вядомы расійскі пісьменнік Л. М. Талстой раптоўна выехаў з дому, няма ведама куды. Ходзяць чуткі, быццам Талстой выехаў, каб на пустыні адзінока дажываць веку свайго.

«НН». № 44–45. 1910.

Сапраўднай сенсацыяй сталася заява Тамары Рохлінай, удавы забітага ў 1998 г. расейскага генерала, пра тое, што Лукашэнка даваў яе мужу грошы на падрыхтоўку масавага выступу сілавікоў супраць Ельцына. Выступаючы 15 лістапада ў гарадскім судзе Нара-Фамінска, Тамара Рохліна сказала, што яе муж рыхтаваў вялікую антыельцынскую акцыю, пра якую было вядома Генадзю Зюганаву, Віктару Ілюхіну, Альберту Макашову ды Аляксандру Лукашэнку. Апошні, калі верыць яе словам, забяспечваў як маральную, так і фінансавую падтрымку.

«НН». № 47. 2000.