Оn-line канцэрт этна-фольк гурта GUDA

На наступным тыдні з 24 мая надыходзіць Русальны (ці Граны) тыдзень, адно з самых цікавых этнаграфічных святаў.

Паводле народных уяўленьняў “жывуць русалкі пад вадою, і выходзіць з яе могуць на кароткі час покуль не высахнуць іх валасы. Толькі на восьмым тыдні пасьля Вялікадня, на Русалчын тыдзень, гэта абмежаванне здымаецца, і русалкі могуць хадзіць па гаях, лясах, нівах, гушкацца на галінках бяроз і пець свае песьні".

Гурт GUDA -- адзін з найбольш самабытных беларускіх этна-фольк выканаўцаў, прэзентуе самы старажытны пласт культуры нашай краіны – абрадавыя спевы.

21 мая гурт заспявае ў эфіры TUT.BY русальныя песьні і адкажа на пытанні наведнікаў парталу.

GUDA прадстаўляе свой адмысловы фотапраект.”Русальны тыдзень”. З некаторымі з "русальных" фотагалерэй ужо зараз можна азнаёміцца на на старонцы афіцыйнага сайта гурта GUDA. Якім чынам тры беларускія фотамайстры трапілі ў той закінуты Богам край, дзе і сабралі ўнікальны фотаматэрыял аб апошняй папуляцыі русалак на Беларусі, можна будзе даведацца на канцэрце этна-фольк гурта GUDA 27 мая ў Малой залі к/з “Мінск”, што прысвечаны прэзентацыі іх русальнага праекту.

Фота – Аляксей Іллін.