Купава, Марачкін, Сітніца – у Нацыянальным гістарычным музеі

Выстава «Вобразы мінуўшчыны», прысвечаная 600-годдзю Грунвальдскай бітвы, адкрылася ў Нацыянальным гістарычным музеі.

Гэта сумесны праект Беларускага саюза мастакоў і музея.

На палотнах — не толькі «грунвальдская» тэматыка. Тут адлюстраваны вобразы тых дзеячаў, якія пасля сябе пакінулі значны след у беларускай гісторыі. Гэта Еўфрасіння Полацкая, Міндоўг, Альгерд, Вітаўт Вялікі, Ягайла, Францыск Скарына. Дзесяткі імёнаў. Сярод аўтараў — Гаўрыла Вашчанка, Алесь Мара (Аляксей Марачкін), Уладзімір Савіч, Рыгор Сітніца, Мікола Купава.

Працаваць выстава «Вобразы мінуўшчыны» будзе да 13 чэрвеня.

КМ