Бясплатныя экскурсіі па Беларусі на Дзень помнікаў

18 красавіка ва ўсім свеце будуць адзначаць Міжнародны дзень помнікаў і мясцінаў (International day for Monuments and Sites). Не застанецца ў баку і Беларусь, дзе грамадскасць па традыцыі ладзіць "Фэст экскурсаводаў".

"Нягледзячы на тое, што гэты дзень упершыню быў адзначаны ў 1984 годзе, сёння ён не страціў сваёй актуальнасці. Бо гэтае свята нашай культурнай спадчыны, архітэктурных помнікаў і прыродных запаведнікаў, фальклорных і навуковых здабыткаў, гістарычнай памяці - усяго таго, што аб'ядноўвае нас як нацыю і робіць унікальнымі ў шматлюднай сям'і народаў", - кажуць прадстаўнікі грамадскага Аргкамітэту па святкаванні Дня помнікаў і мясцінаў.

"Фэст экскурсаводаў" праводзіцца ўжо другі год запар. У 2009 годзе ў межах акцыі прайшло амаль 30 пешых экскурсій, у якіх паўдзельнічала каля 1300 чалавек. "На асобныя экскурсіі прыходзіла больш за 100 чалавек. Мы былі ўражаныя такой зацікаўленасцю. Значыць, мерапрыемства запатрабаванае грамадствам", - распавядае намеснік старшыні Беларускага камітэту Міжнароднай рады па помніках і мясцінах (ІКАМОС) Цімох Акудовіч.
Сёлета "Фэст экскурсаводаў" ладзіцца ў падтрымку кампаніі "Будзьма!". Цяга двух дзён (17-18 красавіка) пройдзе шэраг самых разнастайных бясплатных экскурсій па гістарычных мясцінах Мінска, Гродна, Брэста і іншых гарадоў і мястэчак.

Сярод арганізатараў фэсту - Беларускі камітэт Міжнароднай рады па помніках і мясцінах, Беларускi фонд культуры, Беларуская асацыяцыя экскурсаводаў і гідаў-перакладчыкаў і моладзевае грамадскае аб'яднанне "Гісторыка".

Назва экскурсіі Раён г. Мінска Час пачатку экскурсіі і месца сустрэчы Экскурсавод Дуброва Чапскага Маскоўскі раён 14.00, галоўны ўваход Гуманітарнага факультэта БДУ (вул. Курчатава) Спіцын Алесь Татарская слабада Цэнтральны раён 16.00, каля ўваходу ў гатэль "Юбілейны" Арсэн Сівіцкі Мінск Тэатральны Цэнтральны раён 16.00, каля ўваходу ў Музей Вялікай Айчыннай вайны Еўдакіменка Святлана Мінскае гета Маскоўскі раён 17.00, каля выхаду са ст. м. "Фрунзенская" ў накірунку вул. Сухой Козак Кузьма Ракаўскае прадмесце Цэнтральны раён 17.00, адкрытая пляцоўка ГД "На Нямізе" (2-і паверх) у бок Петрапалаўскай царквы Мяльніцкі Леанід Вуліца Карла Маркса Цэнтральны раён 17.00, уваход у тэатр імя Янкі Купалы Мяльніцкі Ян "Сэрца горада" Цэнтральны раён 17.00, каля Ратушы Гатальскі Ігар "Ад Круглай Плошчы да Старажоўкі" Цэнтральны раён 18.00, каля выхаду са ст. м. "Плошча Перамогі" ў бок Музея РСДРП. Быц Яўгенія

Назва экскурсіі Раён г. Мінска Час пачатку экскурсіі і месца сустрэчы Экскурсавод Лошыца Ленінскі раён 10.00, каля ўваходу ў Лошыцкі парк Акудовіч Цімох Вяснянка Цэнтральны раён 10.30, аўтобусны прыпынак "Радужная" ў бок царквы (Вяснянка) Герасіменка Сяргей Плошча Незалежнасці Маскоўскі раён 12.00. галоўны ўваход у Педагагічны універсітэт Лютых Сцяпан Музей Валуноў Першамайскі раён 12.00, уваход у Музей валуноў (раён Уручча) Чырскі Мікола Легенды Залатой горкі Партызанскі раён 14.00, уваход у Палац мастацтваў Акудовіч Цімох "Па вуліцы Кашарскай" (сучасная Чырвонаармейская) Ленінскі раён 14.00, над выхадам са ст. м. "Кастрычніцкая" ў бок Дома афіцэраў Валодзіна Аляксандра Раён Трактарнага завода Цэнтральны раён 16.00, каля выхаду са ст. м. "Трактарны завод" у бок самога завода Абрамчук Раман