Землятрус у Сербіі: загінулі два чалавекі

У выніку землятрусу ў Сербіі, які адбыўся ў ноч на сераду 3 лістапада, загінулі прынамсі два чалавекі. Эпіцэнтр землятрусу магнітудай 5,6 знаходзіўся за 125 кіламетраў ад сербскай сталіцы — Бялграда.

Целы загінулых былі знойдзеныя пад заваламі дома ў наваколлі найбліжэйшага да эпіцэнтру горада Кральева. Пацярпелі, па дадзеных Associated Press, не менш за 50 чалавек, у асноўным жыхары Кральева.

У горадзе пашкоджаныя будынкі, назіраюцца перабоі з электразабяспечаннем, тэлефоннай сувяззю і падачай вады. У прыватнасці, пацярпеў будынак бальніцы ў Кральеве.

Гіпацентр землятрусу знаходзіўся на глыбіні 10 кіламетраў. За асноўным падземным штуршком рушылі ўслед чатыры менш магутных афтэршокаў. Раней Геалагічная служба ЗША ацаніла магнітуду землятрусу ў 5,3, аднак Сербскі сейсмалагічны інстытут падвысіў ацэнку да 5,6.