Міністра Цімашэнкі затрымалі ў Чэхіі

Былога міністра эканомікі ва ўрадзе Цімашэнкі Богдана Данілішына затрымалі ў Чэхіі.

Пра гэта паведаміла прэс-служба МУС Украіны са спасылкай на інфармацыю Нацыянальнага цэнтральнага бюро Інтэрпола Чэхіі.

Як вядома, Данілішын абвінавачваецца ў здзяйсненні злачынства, прадугледжанага часткай 2 артыкула 364 Крымінальнага кодэкса «Злоўжыванне ўладай ці службовым становішчам». 16 жніўня ГУБАЗ МУС Украіны заведзеная аператыўна-вышуковая справа катэгорыі «вышук».