Чылійскіх шахцёраў могуць неўзабаве выратаваць

Прэзідэнт Чылі Себасціян Пінэра выказаў надзею на тое, што 33 гарнякі, якія знаходзяцца пад заваламі ўжо два месяцы, будуць паднятыя на паверхню ўжо да канца наступнага тыдня.

Кіраўнік дзяржавы заявіў, што выратавальнікі ўшчыльную падабраліся да шахцёраў, якія апынуліся ў падземнай пастцы, і выказаў надзею, што яны будуць выратаваныя яшчэ да яго візіту ў Еўропу, запланаванага на 17 кастрычніка.

Тым часам, частка работнікаў гэтай шахты, якія знаходзяцца на паверхні, наладзілі акцыю пратэсту ў сувязі з тым, што з жніўня не атрымлівалі зарплату.