У Францыі праводзіцца страйк супраць павышэння пенсійнага ўзросту

Прафсаюзы Францыі сёньня праводзяць 24-гадзінны страйк пратэсту ў сувязі з намерамі ўраду павялічыць да 2018 года пэнсійны ўзрост з 60 да 62 гадоў.

Страйк паўплывае на працу грамадзкага транспарту і авіялініяў, а таксама на паштовыя перавозкі. У чэрвені ўжо праходзілі дэманстрацыі супраць пэнсійнай рэформы, у якіх удзельнічалі прыкладна 800 тысячаў чалавек.