Жыхары польскага Осува забаранілі ўладам усталёўваць помнік чырвонаармейцам

Жыхары польскага горада Осуў, размешчанага непадалёк ад Варшавы, сарвалі адкрыццё помніка чырвонаармейцам.

Помнік 22 байцам Чырвонай Арміі, якія загінулі ў Варшаўскай бітве 14–15 жніўня 1920, планавалася адкрыць 15 жніўня. На цырымонію запрасілі прадстаўнікоў амбасады Расіі ў Польшчы.

Аднак жыхары Осува заявілі, што

такі манумент абражае пачуцці палякаў, і што яны не дадуць адкрыць на сваёй зямлі помнік захопнікам.

Праз занадта моцную незадаволенасць грамадзян цырымонію адкрыцця давялося адмяніць. Пры гэтым пакуль застаецца невядома, вырашылі польскія ўлады цалкам адмовіцца ад ідэі ўсталявання помніка ці адкрыццё перанясуць на іншую дату.

У мерапрыемствах, прысвечаных 90-годдзю Варшаўскай бітвы, якая стала пераломнай у польска-савецкай вайне 1920, узялі ўдзел прэзідэнт краіны Браніслаў Камароўскі, прадстаўнікі ўрада і парламента Польшчы.