Польскія салдаты прамаршыруюць на парадзе Перамогі побач з расійскімі

9 траўня на Краснай плошчы ў Маскве ў парадзе, прысвечаным 65-годдзю перамогі над нацысцкай Германіяй, возьмуць удзел вайскоўцы з 13 краін, у тым ліку з Польшчы. Палякі прамаршыруюць адразу за расійцамі.

У парадзе таксама возьмуць удзел вайскоўцы з Азербайджана, Арменіі, Беларусі, Казахстана, Кыргызстана, Таджыкістана, Туркменістана і Украіны.

Сярод краін СНД у парадзе не будуць удзельнічаць толькі Малдова і Узбекістан. Грузія не запрошаная, таму што — як абгрунтавалі гаспадары — яна выйшла з СНД.

Па Краснай плошчы прамаршыруюць таксама салдаты з ЗША, Англіі і Францыі. Ад кожнай запрошанай краіны чакаецца па 75 вайскоўцаў.

wiadomosci.gazeta.pl