Разбіўся самалёт прэзідэнта Польшчы

Ту-154 з польскім прэзідэнтам на борце разбіўся ў Смаленску пры пасадцы. 87 чалавек загінула.

Польскі прэзідэнт Лех Качынскі з жонкай і шматлікія польскія ўрадоўцы, а таксама прадстаўнікі каталіцкай царквы ляцелі ў Катынь. Таксама загінула, фактычна, усё кіраўніцтва польскай арміі.

Паводле папярэдняй версіі, самалёт пры пасадцы зачапіўся за дрэва.

Гэта беспрэцэдэнтная трагедыя такога кшталту ў Польскай гісторыі. «Катынь ужо назаўжды зробіцца найчарнейшай кропкай гісторыі Польшчы», - піша ў сваім экстраным артыкуле «Газета Выборча».

Інфармацыя абнаўляецца.