Растрэл за праваленую рэформу

У Паўночнай Карэі казнілі ініцыятара дэнамінацыі нацыянальнай валюты Пак Нам Гі.

77-гадовы няўдалы рэфарматар Пак Нам Гі быў кіраўніком фінансавага дэпартамента Працоўнай партыі. Летась ён ініцыяваў грашовую рэформу — нацыянальная валюта краіны быда дэнамінавана. Аднак кожная сям’я магла зхаваць грошы ў памеры $140. Усе астатнія ашчаджэнні фактычна засталіся ў руках дзяржавы.

Насельніцтва рынулася ў крамы, што прывяло да дэфіцыту тавараў. У знак пратэсту людзі ўпершыню за дзесяцігоддзі выйшлі на вуліцы.

У лепшых традыцыях таталітарных сістэм Пак Нам Гі быў аб’яўлены «буржуазным чалавекам, засланым у шэраг рэвалюцыянераў для вынішчэння нацыянальнай эканомікі».