Ураган

Асноўны ўдар стыхіі ў ноч на нядзелю прыйшоўся на Францыю, дзе колькасць ахвяр дасягнула 50 чалавек. Яшчэ тры чалавекі загінулі ў Германіі.

Ад урагану таксама пацярпелі краіны Бенілюкса і Швейцарыя. Агульная колькасць параненых набліжаецца да сотні. Экстранныя службы не выключаюць, што колькасць ахвяр можа вырасці, бо дзясяткі людзей лічацца зніклымі без вестак.

Шэраг камун на захадзе Францыі затапіла, больш за мільён дамоў пазбавіліся электрычнасці. Хуткасць ветру дасягала 160 км за гадзіну. У еўрапейскіх аэрапортах былі адменены або затрыманыя да тысячы рэйсаў.