Самым «зялёным» горадам Еўропы прызнаны Капенгаген

Сталіца Даніі прызнаная самым «зялёным» горадам з 30 еўрапейскіх сталіц. Такія звесткі рэйтынгу, апублікаванага брытанскай даследчай групай The Economist Intelligence Unit, паведамляюць інфармагенцтвы.

Капенгаген уначы, фота з Вікіпедыі.

Следам за Капенгагене ў спісе ідуць: Стакгольм, Осла, Вена і Амстэрдам. У сярэдзіне апынуліся Берлін, Парыж і Лондан. Замыкаюць спіс Бялград (27 месца), Бухарэст (28), Сафія (29) і Кіеў (30).

Пры падрыхтоўцы рэйтынгу ўлічваліся 30 паказчыкаў. У прыватнасці, звярталася ўвага на гарадскую палітыку ў галіне абароны навакольнага асяроддзя, карыстанне жыхароў грамадскім транспартам, выдаткі вады і энергіі на адзінку вырабленай прадукцыі, выкіды вуглякіслага газу на душу насельніцтва, узровень другаснай перапрацоўкі адкідаў ды іншыя фактары.

Так, у сталіцы Швецыі канцэнтруецца самая вялікая ў Еўропе колькасць «зялёных» аўтамабіляў. Гэта стала адным з фактараў, дазволілі паставіць Стакгольм на першае месца ў катэгорыі «Транспарт». Разам з Берлінам Стакгольм ўзначальвае і спіс гарадоў, у якіх ўзводзяцца добра ізаляваныя і эфектыўныя ў захаванні энергіі будынкі. Адначасова даследаванне паказвае, што жыхары Стакгольма па параўнанні з насельніцтвам іншых еўрапейскіх гарадоў выкарыстоўваюць ўсё ж больш энергіі, вады і ствараюць больш адкідаў.

Па словах экспертаў, практычна ўсе прадстаўленыя ў спісе гарады ўжо распрацавалі і пачалі ўкараняць стратэгію паляпшэння стану экалогіі.