Колькасць загінулых пры пажары ў пермскім клубе вырасла да 117

Колькасць загінулых пры пажары ў клубе «Кульгавы конь» павялічылася да 117.

Як паведамілі ў Галоўным упраўленні Міністэрства па надзвычайных сітуацыях Расіі па Пермскім краі, у бальніцах Пермі памерлі яшчэ чатыры чалавекі.

«Сёння ў медсанчастцы № 21 і № 1 у Пермі памерлі мужчына, 1959 г.н і тры дзяўчыны, 1983 і 1982 г.н.», ‑‑ сказаў начальнік прэс‑службы краёвага ўпраўлення МНС Валеры Цівуноў.

Пажар у начным клубе «Кульгавы конь» (Перм) здарыўся ў выніку феерверку і загарання драўляна-саламяных перакрыццяў у пятніцу вечарам. У клубе знаходзіліся больш за 300 чалавек. 112 чалавек памерлі на месцы ў выніку цісканіны і атручвання чадным газам, больш за сотню трапілі ў бальніцы.