Буйная перамога на выездзе

У мінулую суботу ФК “Івацэвічы” ў рамках 8-га тура першынства Беларусі сярод каманд 2-й лігі праводзіла матч у Смалявічах – супраць мясцовай каманды “СМІаўтатранс” – моцнага сярэдняка, які на пачатак гульні ў турнірнай табліцы знаходзіўся вышэй за нашых землякоў. 

 

Але ФК “Івацэвічы” згуляла з пазіцыі сілы, з пачатку гульні каманда завалодала ініцыятывай, пераходзячы ў атаку буйнымі сіламі. Адзін з галоў у вароты саперніка забіў цэнтральны абаронца Аляксандр Ванда, двойчы адзначыўся нападаючы Ілля Сідарэнка. 0:3 – першая выязная перамога ў ходзе першынства. 

 

Наша каманда набірае 11 ачкоў і застаецца на 8-м радку ў турнірнай табліцы, а па страчаных ачках – на шостым. 

ххх