У Мядзеле прайшлі спаборніцтвы па піянерболе: перамаглі свірскія школьнікі (фота)

Момант спаборніцтваў

У райцэнтры 14 верасня прайшлі раённыя спаборніцтвы па піянерболе.

Удзельнічалі ў іх 11 каманд. У складзе кожнай былі як хлопчыкі, так і дзяўчынкі ўзростам 10-12 год.

Гульні праходзілі ў дзвюх групах на пляцоўках фізкультурна-аздараўленчага комплексу і Мядзельскай СШ №1.

У матчы за першае месца сустрэліся пераможцы ў групах – каманды Свірскай і Нарацкай №1 сярэдніх школ. Перамаглі ў гэтай сустрэчы і адпаведна ў спаборніцтвах свірскія школьнікі.

У матчы за трэцяе месца гулялі вучні Нарацкай СШ №2 і гімназіі-інтэрната. Мацнейшымі былі гімназісты.

Алесь ВЫСОЦКІ.

Фота Алеся ВЫСОЦКАГА.