Сёння: AZ — БАТЭ

Сёння завершыцца групавы футбольнай Лігі Еўропы ў групе «Е». Барысаўскі БАТЭ згуляе ў Алкмаары (Нідэрланды) з AZ, а «Дынама» ў Кіеве з ціраспальскім «Шэрафам». Пачатак абодвух матчаў а 20-й. Матч AZ — БАТЭ пакажа ў жывым эфіры тэлеканал «Лад».

І БАТЭ, і «Дынама» датэрмінова выйшлі ў плей-оф Лігі Еўропы. Сёння вырашыцца толькі лёс 1-га і 2-га месца ў групе. Выхад у 1/16 фіналу дае лепшыя ўмолвы пры лёсаванні. Так першы стыкавы матч гэтая каманда правядзе ў гасцях.

Пакуль «Дынама» займае першы радок у табліцы, абагнаўшы БАТЭ за кошт матчаў паміжі імі (2:2, 1:4).

Дынама — 10 (3, 1, 1, 10–6), БАТЭ — 10 (3, 1, 1, 11–8), AZ — 4 (1, 1, 3, 5–10), Шэрыф — 4 (1, 1,3, 5–7).

БАТЭ каб заняць першае месца, трэба каб беларускі клуб сёння згуляў лепей, чым кіеўскі.

Гэта значыць БАТЭ павінна перамагчы, а Кіеву трэба або згуляць унічыю, або прайграць. Калі «Дынама» прайграе «Шэрыфу», то БАТЭ дастаткова згуляць унічыю з AZ. Пры роўнасці ачкоў улічваюцца матчы паміж сабой, а тут Кіеў мае перавагу.

Але галоўная падзея спартовага тыдня адбудзецца ў пятніцу, калі вызначыцца супернік БАТЭ у 1/16 фіналу Лігі Еўропы.

Пачнецца яно, а 14-й паводле мінскага часу і будзе транслявацца ўжывую на сайце uefa.com або на тэлеканале «Еўраспорт»

Тым часам вядомыя ўжо 27 з 32 удзельнікаў 1/16 фіналу Лігі Еўропы, матчы якой пройдуць 17 і 24 лютага.

Гэта — восем камандаў, што занялі трэція месцы ў групавым турніры Лігі чэмпіёнаў:

«Твэнтэ», «Аякс» (Нідэрланды), «Бенфіка», «Брага» (Партугалія), «Рубін», «Спартак» (Расія), «Рэйнджэрс» (Шатландыя), «Базэль» (Швейцарыя).

І 19 камандаў, з улікам БАТЭ і «Дынама» Кіева з групавога этапу Лігі Еўропы:

«Манчэстэр Сіці», «Ліверпуль» (Англія), «Лех» (Польшча), «Баер», «Штутгарт» (Нямеччына), «Вільярэал» (Іспанія), ПАОК, АЕК (Грэцыя), ЦСКА, «Зеніт» (Расія),«Спарта» (Чэхія), «Янг Бойз» (Швейцарыя), ПСВ (Нідэрланды), «Металіст» (Украіна), ПСЖ (Францыя), «Порту» (Партугалія), «Бешыкташ» (Турцыя).