Хакейнае «Дынама» прайграла «Ак Барсу»

У чарговым матчы чэмпіянату КХЛ 8 снежня мінскае «Дынама» прайграла ў Казані «Ак Барсу» з лікам 2:5 (0:1, 0:1, 2:3).

Шайбы закінулі:

у гасцей — Андрэй Антонаў (44.40, у большасці, пас — Аляксандр Кулакоў), Аляксандр Кулакоў (59.20, пас — Джэф Плат);

у гаспадароў — Марцэл Хоса (10.40, пас — Яўген Мядзведзеў), Янне Песанен (32.50), Даніс Зарыпаў (46.48, асістэнты — Яўген Мядзведзеў, Аляксей Марозаў; 54.57, асістэнты- Васіль Такранаў, Аляксей Марозаў), Ігар Шчадзілаў (57.52, у меншасці, асістэнты — Аляксандр Сцяпанаў, Яўген Бадроў).

Пасля 34 матчаў «Дынама» з 50 баламі ачкамі займае трэцяе месца ў дывізіёне Тарасава, пятае ў Заходняй канферэнцыі і 12-е ў агульнай табліцы.

Наступныя два матчы «Дынама» таксама правядзе на выездзе: 10 снежня — з «Аўтамабілістам», 12-га — з «Нафтахімікам».