Футбол па-кіеўску

У першым матчы групавога турніру Лігі Еўропы барысаўскі БАТЭ і кіеўскае «Дынама» згулялі жывенькую, дынамічную, вясёлую нічыю — 2:2. Гульня прайшла ў Кіеве, на стадыёне імя Валерыя Лабаноўскага (пачалася, а 20-й).

Склады камандаў:

Дынама: М.Коваль, Бетао, Ярмоленка, Мілеўскі, Міхалік, Гусеў (Гармаш, 57), Маграо (Аль-Кадуры, 79), Р.Яроменка, Хачэрыдзі, Нінкавіч, Леандра Алмейда (Андрэ, 74).

галоўны трэнер Валерый Газаеў.

БАТЭ: Верамко, Ліхтаровіч (Д.Бага, 38), Шытаў, Юрэвіч, Брэсан (Валадзько, 77), Няхайчык, Радзькоў, Паўлаў (Скавыш, 64), Бардачоў, Радзівонаў, Аляхновіч.

галоўны трэнер Віктар Ганчарэнка.

Галы: Радзівонаў (3), Мілеўскі (34), Р. Яроменка (44), Няхайчык (53-я).

Папярэджанні: Бардачоў (12), Шытаў (29), Міхалік (63), Хачэрыдзі (75).

***

БАТЭ ужо на 3-й хвіліне адкрыў лік. Правалілася абарона «Дынама», і Віталь Радзівонаў свой шанц не упусціў. На 13-й хвіліне за знос Бардачовым Гусева ў вароты Верамко быў прызначаны пенальці, але ўраджэнец Мінска Арцём Мілеўскі не здолеў перайграць беларускага галкіпера.

Мілеўскі забіў, але на 34-й хвіліне, калі моцна памыліўся Ігар Шытаў, думаючы, што ўкраінскі футбаліст забег у афсайд. Пры канцы першага тайма гаспадары выйшлі наперад (Яроменка), але ўжо ў другім тайме БАТЭ лік зраўняў: з вугла штрафной мяч у правы кут варот паклаў Павел Няхайчык.

Праз некалькі хвілін Аляксандр Юрэвіч дальнім ударам па варотах (метраў з 30-ці) ледзь не вывеў БАТЭ наперад. Выручыў 18-гадовы галкіпер «Дынама» Максім Коваль.

Абедзве каманды памыляліся і ў атацы, і асабліва ў абароне і пры лепшай рэалізацыі — а часам і шанцаванні! — канчатковы лік гульні мог быць значна большым. Матч атрымаўся вельмі дынамічным і відовішчным. Беларусы лавілі ўкраінцаў на контратаках,

так за некалькі хвілін да канца сустрэчы Максім Скавыш ледзь не паставіў тлустую кропку.

Зноў не пашанцавала.

У другім матчы нашай групы, што прайшоў у Алкмаары, чэмпіён Галандыі «AZ» перайграў малдоўскі «Шэрыф»,

які ўзначальвае беларускі спецыяліст Андрэй Сасніцкі, з лікам — 2:1 (Ёхан Берг Гудмундсан, 14, К’ю Яленс, 83 — Гектар Марэна, 68).

Становішча камандаў: AZ — 3, Дынама, БАТЭ — 1, Шэрыф — 0.

Праз два тыдні, 30 верасня, у Мінску сустрэнуцца БАТЭ і AZ. Пачатак гульні ў 22:05.

У Ціраспалі згуляюць «Шэрыф» і «Дынама».

***

У групе «А» познанскі «Лех» у Турыне згуляў унічыю з «Ювентусам» — 3:3. Героем матчу стаў форвард польскага клуба Арцём Руднеў, што зрабіў хет-трык. Сяргей Крывец правёў увесь матч і 74-й хвіліне зарабіў жоўтую картку. У той жа групе «МанСіці» выйгралі ў гасцях у «Зальцбурга» — 2:0.