Анастасія Якімава выйграла ў другой ракеткі свету Елены Янкавіч

Беларуска Анастасія Якімава (129-е месца ў сусветным рэйтынгу) выйшла ў чвэрцьфінал тэніснага турніру ў славенскім Портарозе з прызавым фондам 220 тыс. долараў.22 ліпеня ў другім крузе яна перамагла "пасеяную" пад першым нумарам другую ракетку свету Елену Янкавіч з Сербіі — 1:6, 6:3, 1:0 (адмова). Цяпер Якімава сустрэнецца з Ксеніяй Пярвак з Расіі (99). У асноўную сетку беларуска прабілася з кваліфікацыі, паведамляе БелаПАН.

У першым крузе жаночага парнага разраду Якімава (122) і турчанка Іпек Сенолу (69) саступілі расіянцы Алене Бовінай (286) і славенцы Андрэі Клепач (109) — 2:6, 3:6.