Чылі – Гандурас – 1:0

Фота Reuters.

Сёння на чэмпіянаце свету па футболе ўступілі ў бой прадстаўнікі апошняй групы. У Нельспруце, на «Мбамбела Стадыуме» згулялі зборныя Чылі і Гандураса. Чылійцы перамаглі з лікам 1:0.

Адзіны гол у сустрэчы забіў на 34-й хвіліне Жан Басежур.

А 17‑й пачнецца матч у гэтай групе паміж зборнымі Іспаніі і Швейцарыі. Букмекеры William Hill прадракаюць іспанцам чэмпіёнства.

А вечарам пачнецца 2‑гі тур. Стартуе ён матчам паміж гаспадарамі спаборніцтваў зборнай ПАР і камандай Уругвая.

У чацвер, 17 чэрвеня, пройдуць наступныя двубоі: Аргенціна — Карэя (14:30), Грэцыя — Нігерыя (17:00), Францыя — Мексіка (21:30).

У пятніцу, 18 чэрвеня, – Нямеччына – Сербія (14:30), Славенія – ЗША (17:00), Англія – Алжыр (21:30).