БАТЭ прадоўжыў "сухую" серыю, "Партызан" забіў першыя мячы і набраў першае ачко

У восьмым туры футбольнага чэмпіянату Беларусі сярод каманд вышэйшай лігі БАТЭ прадоўжыў "сухую" серыю, "Партызан" забіў першыя мячы і набраў першае ачко, дэбютант "Белшына" прадоўжыла бяспройгрышную серыю да шасці матчаў.Вынікі сустрэч, што прайшлі 7 мая: БАТЭ — "Днепр" — 3:0 (А.Канцавы, 33, Брэсан, 41, Скавыш, 90+3), "Тарпеда" — "Партызан" — 2:2 (Бяганскі, 32, С.Канцавы, 79 — Чынікас, 44, Карповіч, 53), "Белшына" — "Нафтан" — 1:0 (С.В.Каваленка, 27), "Дынама" Бр — "Віцебск" — 5:2 (Сокал, 28, з пенальці, Макар, 30, Беразоўскі, 41, Кавалюк, 51, Мазалеўскі, 83 — Слесарчук, 45+1, Трухаў, 63), "Мінск" — "Нёман" — 3:1 (Лашанкоў, 6, 45+1, Разін, 70 — Кавалёнак, 20), "Шахцёр" — "Дынама" Мн — 2:4 (Балановіч, 6, Дзенісевіч, 19 — Пуціла, 20, Мартыновіч, 36, Сазанкоў, 47, Страхановіч, 89).

Тур стаў самым выніковым у чэмпіянаце — забіта 25 мячоў (з пачатку чэмпіянату — 105), з іх гаспадарамі — 16 (62), гасцямі — 9 (43). Сярэдняя выніковасць склала 4,17 гола за гульню (2,19). Гаспадары атрымалі чатыры перамогі (20), адзін раз згулялі ўнічыю (17) і адзін раз прайгралі (11). Найбольш папулярны лік чэмпіянату — 0:0 і 1:0 (па 9 разоў). Усяго зафіксавана 13 варыянтаў ліку.

Становішча каманд: БАТЭ — 18 ачкоў (розніца мячоў 14-0), "Белшына" — 16 (8-7), "Дынама" Бр — 15 (14-7), "Дынама" Мн — 14 (10-6), "Мінск" — 13 (10-8), "Віцебск" — 11 (11-10), "Шахцёр" — 10 (8-8), "Нафтан" — 9 (9-8), "Днепр" — 9 (6-11), "Тарпеда" — 6 (10-12), "Нёман" — 5 (3-8), "Партызан" — 1 (2-20).

Дзевяты тур пройдзе 11 мая.